當大家心思思想嘗試做瑜伽時先發現原來有好多既種類，好似無從入手，等小編幫大家小分析一下啦⋯⋯

1. 零運動型 🗿👻🤖
如果你平時係零運動，甚至運動細胞不算活躍，我會建議你先上平和伸展類型課堂，先由淺入深去了解如何正確地活動身體，慢慢去感覺身體既伸展活動
– Aroma Stretch / Relax Stretch / Gentle Flow / Backcare / Hatha 1 / Foundation Yoga

2. 疲倦型🥶🥺😴
都市人想接觸瑜伽好多都因為身體崩緊既程度反映左比你知：係時候做一啲運動喇。瑜伽係一個動靜均可既選擇，當你感到身心疲累時我會建議你先上伸展同治療既課堂，比身心沉靜下來。
– Relax Stretch / Aroma Stretch / Yoga Therapy / Backcare Yoga / Yin Yoga

3. 運動 🏀🎾🏐
平時有做開運動坐唔定，可以選擇流瑜伽甚至空中瑜伽，流瑜伽節奏會較快，促進身體血液循環，流汗排出水份。空中瑜伽亦需要一定既力量來控制身體，做出優美既動作，如果你喜歡挑戰自己，相信會喜歡上流瑜伽同空中瑜伽。
– Vinyasa / Aroma Flow / Hot Flow / Core Yoga / Aerial Yoga / Yoga Wheel

初時接觸瑜伽，可能大家都會有唔同既目的，但不論原因，如果你係好少做運動，會建議你先上伸展主題課堂，伸展係適合任何同學，若你生活節奏急速、身體崩緊，更會帶俾你一個從新調節既感受。導師會因應返同學們程度授教，提供不同程度既式子比大家選擇，一定會照顧到每位同學。

以上係小編最基本既分析😙，但大家都係要應個人喜或目標去選擇課堂，而我更建議大家練習不同類型課堂，令身體平均⚖️運動，希望瑜伽能夠帶給大家一個平衡既身心😌柔韌適中。

但小編都係長氣……. 咁建議初學者先由基礎既伸展班開始，唔好咁快勉強自己去高溫瑜伽或空中瑜伽，最重要係開心練習，享受當下既自己🥰